勞累~~~~~

尋日同ivy waiwai 一齊去左joyce 到睇乖乖,帶埋包包遠行,真係辛苦到嘔~~~搭左個幾鐘車入到屯門,見到乖乖,佢隻衰野一D 都唔乖,重好惡死TIM AR~~俾佢咬左一啖,見紅T____T,估唔到我俾佢咬左啖都重抱住佢,佢真係唔驚我一野飛佢落地囉,不過佢真係好活潑,周圍走,係咁吠,之後同佢地一齊去左平台行一陣,就叫joyce 細路車我出市中心去搵ar 檸.
hahahaha~~都話我會搵到佢做邊到架啦~!!!我真係好鬼勁仔囉~~~唔係講得笑~~~勁到啊~~~hei 左陣等佢收工,去左元朗食牛腩河,果檔野食親真覺得好好食,食lee d 野真係要大排檔先會好食架,食完上左佢屋企整電腦,搞搞下咁就9點lu~~~死返屋企沖個涼
之後去左王一智屋企睇波,真係要分開黎講啊~~
第一場,世青盃捷克對尼日利阿
lee 場真係不得了o既波,d 尼日利亞人真係好笑到不得了,四十幾碼超級大浪射一場波可以見幾次= ='一過半場你就起腳,你估你係小志強咩~~朋友,個龍重得意,捷克個龍就唔開波o既,次次俾個後衛開,唔係就用手throw,尼日利亞果個重得意,隻手唔知係唔係殘廢~~咩波都負出底線,d 判斷差到啊~~~個波出左界成3-4個波位都要飛過去 = =' 成場波d 後衛就好勁,d 前鋒就好屎,不過都叫幾好睇~~haha~都有得笑~~
第二場,南美盃巴西對阿根廷
諗住阿根廷真係win 硬,點知開波4分鐘艾迪巴約果粒世界波,之後果粒古龍 = ='真係無眼睇~~~不過巴西真係打出水準, pass shoot 走位 反擊都真係好好, 真係贏好合理,阿根廷真係太少入波方式,每次對住d 中場屯重兵o既隊真係好難踢~~~好彩無買~haha